بالكاد أمارس صمتي فيك

لمن أبوح لنفسي بى
شوق السنين
واعبر معاك خط الافق
بي فد جناح
زي ليلي داك
الخاتي عينو على الصباح
أعفيني من همّ الوجع
لميني لو هاجت رياح
يا القى طيفك في الدروب
بي كم شكل
يا بسألك
كيف الدخول في ملتك
من أي باب
بالكاد امارس صمتي فيك
ماديهو ليك صبر الوكت
متوضي بيك
أديت فرض وجع المروق
من بين حُجب
مادا الزمن .. نِـد الغياب
يا الجيت تحس بي إني فيك
زي الوسم في سمرتك
جرب تشب
يمكن تشوف
من بره حد ما إنت فيْ
جرب تفي بي وعدي ليك
حاول تكون ما أي شي