بجيك في النوم

منو الخلى القمر يطلع ويدلى؟
منو الادا السحب قدرة
عشان تملى؟
ومين أدى البحر تيار
عشان يجري؟
ويكشح بالطمي الحلا
برق شع
مطر جارف .. بدر طلَّ
منو الفيهم
منو المداك بى حسنو
منو الاداك من ضلو
شنو الخلاك تتجلى؟
كدي ادلا
عشان طيفك سبق شوقنا
اكيد ضلك ضهب منك
وشمر عن كفوف صحوك
ركب صهوة جيادك خيل
أكيد إنك مظاهر كون
وفي جواك
نبت عِـرق المسافة نخيل
ختم مشهد غناي وجوم
كدي اتصور بلاك احوم
كأني البر .. وإنت بحر
وداخلو نجوم
بعد بُعدك
تجيني دُغش
ودامك حي
بجيك في النومْ