عليك خيرنا

عشان أعرف مداك لىْ وين
ضروري أشوف
شنو الفضَّل ، أجود منو
ويفيض عنك ، لحدي هناك
معاك الذكرى ليها صدى
وما تـنسِي
لأنو جناك ِ في المنفى
يكب الشوق على الالوان
لِيـدو غُـنا
تعالي نخت علينا الريح
ونبقى كتار
ونتجول مع النجمات
على كيفنا
تهد عين الشمس فينا
ونمشي نُضاف
تعالي نكوس

إذ بقينا
كما الاصحاب بنتقالع
مخاض بكرة
البمش بينا
نفكر كيف .. نكون ماذا
وبالفطرة
نريد غيرنا .. وما حاجة
تعالي براح
ولو ممكن .. نضيف واحد
مع "واحدِين" ونعمل صاح
عليك خيرنا